PPMEditor

6300-дің шрифт, сурет, анимация, текст сияқты ресурстары *.ppm файлда сақталады. Менде ол файл “C:\Program Files\Nokia\Phoenix\Products\RM-217\rm217__07.21.ppm_i” адресі бойынша орналасқан. Бұл файлдағы ресурстарды өңдеу арқылы өз телефонымыздағы зықымызды шығарған анимацияларды ауыстырып қана қоймай, оған қазақ тілін қолдайтын шрифттерді салу арқылы қазақ тілін оқыта аламыз.

 PPM-файлды PPM Editor бағдарламасымен өңдей аласыз. Инструкция мына жерде.

Инструкция бойынша жұмыс жасап, ППМ-файлды ашқан кезіңізде, PPMEditor бағдарламасының қасында “ExtractRes” бумасы құрылады да, соның ішінен өзіңізге қажетті ресурстарды алып, өңдей аласыз. Бірақ, бір ресурс орнына жаңа ресурс салған кезде есіңізде болсын – жаңадан салынған ресурс бұрынғы ресурстан көлемі кіші немесе тең болуы керек. Шрифттерді ерінбей FontLab-пен өзгертуіңізге болады, бірақ, ескертіп қояйын, мен оның стандартты Nokia Sans шрифтін өзгертіп (екі күн босқа кетті), оны ППМ-ға салып, прошивка жасағанымда, компьютерде қазақша әріптерді тым жақсы оқыған шрифт, телефонда дұрыс жасамай қалды: қазақша таңбалар басқаларынан бір жарым еседей үлкен, ерсі болып көрінді.

Сондықтан, Виртуалбоксқа Тілмаш қондырып, оның Arial (қазақшаны қолдайтын кез-келген шрифтті алуыңызға болады) шрифтісін FontLab-пен ашып, ішіндегі өзіме қажет емес таңбаларды (әрине, латын және кирилл әріптері, қазақ әріптері және жиі кездесетін таңбалардан басқа)жою арқылы ол шрифтінің көлемін біршама кішірейтіп аласыз да, осы кішірейтілген шрифт файлын PPMEditor арқылы ППМ-файлға саласыз.

Енді прошивка жасау керек. ППМ өзгерткен жағдайда, Phoenix-пен қарапайым прошивка емес, Phoenix Prommer Tool қолдана отырып жасайсыз. Инструкция http://www.art-iom.narod.ru/FAQ/prommer.htm адресінде бар.

Prommer Tool қолданған кезде, бірінші және екінші файлды көрсетсеңіз жеткілікті. Бірінші файл C:\Program Files\Nokia\Phoenix\Products\RM-217\ бумасында *.mcusw типімен жатса, екінші файл ретінде өзіңіз өзгерткен *.ppm файлды көрсетесіз.

Құттықтаймын, телефоныңыз қазақ тілін қолдайды. Енді ұялы телефонмен интернетке кіріп, сүйікті сайттарыңыздан қажетті ақпаратты қазақ тілінде оқи аласыз.
Ұялы телефонымның скриншоты (Опера мини):

Phoenix

http://forum.allnokia.ru/viewtopic.php?t=27509 

Phoenix арқылы Nokia ұялы телефондарының бағдарламасын жаңартуға болады, оны мына сілтеме бойынша алып көр: http://files.mail.ru/Y59T59  (~135Мбайт).
Көшіреміз, қондырамыз. Стандартты ХР болмаса, Зверь/Экстримдерге қондырылуы қиындау екен. Тағы бір ескертулерге сенсек, Phoenix және PC Suite екеуінің бастары, драйверлері бір қазанға сыймайды, сондықтан, бұл бағдарламаны PC Suite бағдарламасымен “ластанбаған” жаңа жүйеге орнатқанымыз дұрыс. Өзім VirtualBox 2.2-ге жаңа комп жасап, соған таза XP қондырып алып,жасап жүрмін. Виртуалбоксты таңдаған себебім, – Ms Virtual PC – USB-ді қолдамайды, ал бізге ұялы телефонды комппен жалғау үшін USB-сым керек-ақ.
Жаңартылған прошивканың лайт-нұсқасын (қазіргісі – 07.21) http://allnokia.ru/firmware/download.php?id=31 сайтынан алдым. Лайт-прошивканы іске қоссақ, ол автоматты түрде өз файлдарын c:\program files\nokia\phoenix\products бумасына көшіреді.
Толық инструкция мына жерде: http://www.art-iom.narod.ru/FAQ/
Болды, бар болғаны осы. Бағдарламаңыз орысша болды, нұсқасы 07.21. Құттықтаймын.
Жоспарда – қазақша шрифттерді қосу және опцияларға қазақ тілін қосу.

NSU

Бауыр басып қалған сүйікті ұялы телефоныңыз \қызық, екеуміз бірдей ұялы телефон ұстайды екенбіз\ соңғы кездері ерекше қылық көрсетіп, ауру\сырқауы көбейіп жүр ме? Саспаңыз, сервис центрге апаруға да асықпаңыз. Компьютердің бірдемесі қуса, жүйесін қайта қондыра саламыз ғой, ұялы телефонды да солай жасауға болады.
Сонымен, алға.
Берілгені: интернет опциялары сақталмайтын, ішіндегі стандартты ТМобайл интернет профильдері жойылмайтын телефон. *#0000#  теріп, бағдарламасының версиясы 05.50 екенін біліп алдым.
Әрине, әдепті пайдаланушы ретінде нокианың ресми сайтына кіріп, ұялы телефон бағдарламасын жаңартуға арналған Nokia Software Updater бағдарламасын көшіріп алып едім, NSU компьютердің интернет байланысы үзіліссіз болуын талап етеді екен, бұл мүмкіндік менде жоқ. Ал егер NSU көмегімен телефондағы бағдарламаны жаңартып жатқан кезіңізде, интернетпен байланыс үзіліп кетсе, телефонға хана. Тұтынушыларды қолдау қызметіне телефон соғып, интернеттен керекті файлдарды көшіріп алып, НСУ арқылы оффлайн түрде жаңарту мүмкіндігі жоқ екенін біліп алдым.
“Ок, тәуекел, көрейік” деген оймен телефонды компқа қосып жіберіп, “Нокиа режимін” таңдап, НСУды ашып, “Далее” деп басып, басып, жаңартып тастағам. Инет үзілген жоқ, шүкір. Телефоным толықтай ағылшын тіліне ауысып шыға келді, орыс тілін қолдау атымен жоқ. Хабар жазғанда да, өлеңдерді ашқан уақытта да, орысша әріптер оқылмайды. Опцияларында шығысеуропалық тілдер бар біршама, одан не пайда…
Қолдау қызметіндегі қыз “Құттықтаймыз, Сіздің телефоныңыз Ресейге арналмаған, еуропалық екен, сондықтан НСУ оны автоматты түрде анықтап, оған қажетті тілді өзі таңдап берді” деп қуантып қойды. Қуанышыма ортақтас болған бұл жаннан “Еу, қарағым, рахмет, бірақ, маған орыс тілі керек еді…” деп те сұрай алмадым, қайтейін енді.
Очм, басқа жол іздеп, форумдарды аралап жүріп, Phoenix бағдарламасына кезіктім. Алған әсерім – керемет!

Мерекелеріңізбен!

Ғарышкер болуды армандағандарыңыз бар ма?
Мерекелеріңмен!

Келісім

DrWEB-тің мегалайнерлерге тегін немесе тегін еместігін әлі біле алмай отырмын…

http://drweb.kz/telecom.html

“…Ведущий оператор связи АО «Қазақтелеком» и компания «Доктор Веб» – российский разработчик средств информационной защиты под маркой Dr.Web объявляют о начале предоставления первой в Казахстане услуги по информационной защите компьютеров интернет-пользователей с помощью инновационного интернет-сервиса компании «Доктор Веб» – Dr.Web AV-Desk™. Для абонентов услуги «Megaline» доступ к данной услуге будет предоставляться бесплатно…”

Асықпа, бауырым. Бұл жерде негізгі сөз “бесплатно” емес, “доступ к данной услуге” болып шықса қайтесің?

Лицензиялық келісім-шарттардың форматын өзгертсе ғой, шіркін… Юристтердің қитұрқы сөздерінің ішінде батып кететіндей етіп, құрғақ-құрғақ (бірақ, соның өзінде саған, сенің миыңа ұстатпайтындай жылпос) сөздермен жазуға болмайтындай етіп заң шығарса… Мысалы, былай:

“п.1. Доступ к услуге антивируса DrWEB – бесплатен.

п.2. Да, доступ – бесплатен.

п.3. Да, да, антивирус тоже бесплатен!

п.4. Да, да, да!!!!! За вас платит Казахтелеком! Да, скачайте и установите этот антивирь, и никто не будет вас ругать за то, что вы пользуетесь ею. Да, и штрафовать не будут!!!! Только оставьте нас в покое!”

Сонымен не болды өзі, тегін әлде тегін емес? Қай жері – тегін?

******Updated******

ЗЫ. Жауапты мегалайнның жеке кабинетіндегі осы қызметке жазылу бетіндегі “Как это работает?” ішкі менюінен тапқандаймын. Данилов бәрін тегін таратуы мүмкін емес болар, бірақ алдай көрмесін…

Әзілқойлар

Петросянның әзілдері күшті. Бірақ, соңғы көргенімде, тоқырауда жүргендей ой қалдырды. Көп адамның неге Петросянды ұнатпайтынын түсінбеймін. Көптің бірі болып оған кір жаға беру мода шығар.
РТРды қосып қалсаң, секеңдеп жүретін “Новые русские бабки”, Р.Дубовицкая сияқтыларды айтпай-ақ қояйын, бір сорпа бір апта бойына үстіне су қосып қайната берсең де, дәмі бұдан жақсы болар.
Задорновтың сатирасы күшті. Бір ғана ойдың өзінен әртүрлі бағытта дамытып әкете береді, – үйреніп жүрмін. Бірақ, әсіре ұлтшыл сияқты. “Мы, русские!” деп қалғанда, тыңдағың келмей кетеді. Филатов екеуінің жас кезіндегі бір қыдырысын еске ала отырып, Қарақалпақстандық бір мұражайға өлсе де бармайтынын айтып, өзін біраз түсіріп алды.
КВН? Квн қарамағалы қашаааан… Ондағы анекдоттарды баштан оқып алғанмын әлдеқашан.
Тамаша? Негізі, “Тамаша”-ны көріп алып  жазып отырмын дәл қазір. Екі ағамыз, біреуінің басында жалбыр шашты парик, екіншісі викинг тәріздес қылып, мүйізі бар дулыға киіп алып, екеуі сахнада бірін-бірі ұрып, секеңдеп жүр. Дәмі жоқ.. ((
Камеди-клаб? Ашықтығымен ұнайтын еді – кез-келген тақырыпта әзіл-оспақ айта беретін. Бірақ, одан да жалығады екенсің. Сақалын бояғанның керін келтіріп, әзілдерінің басым бөлігі сол, белден төмен болып кетті ғой.
Әзірге анекдот.ру ғана құтқарып жүр.
Ереке, сен де құтқарып қой Бұрынғы әңгімелеріңді теріп алып оқып жүрмін қайта. Неге газеттерге шығармайсың?
ЗЫ. Жас Алашты Ғалым Смағұлдың карикатуралары үшін ғана ашатын кездер болып еді Ғалым.нм.ру сайтын мәз болып ашып, ішіндегі азғана карикатурасын көріп…
LP – Runaway, ұйқы қанық, бірдеме бастау керек.

Мёбиус лентасы

Тамақ ішкенде, астына тарелка орнына черновик қағаз қоятын әдетіміз бар. Соған принтерден екі жағына да басып шығарылған қағазды салып жіберіп едім, “бір жағы ғана бар қағаз салу керек” деген ескерту алдым.
Бөлім болып жиналып ақылдаса отырып, тарелка орнына бір жағы ғана бар арнайы қағазды – Мёбиус лентасын қолдануға шешім қабылдадық. Өте ыңғайлы болар деген ойдамыз.

Сізге өтірік, маған шын…

Көзім бақырайып, дос баламды ертіп келдім, осы қызықты көрсетейін деп. Сенбесеңіздер, соның қолхаты бар, қол қойдырып жазып алдым, “Руслан шынымен де ұтты, бұл фотошоп емес” деген жазуы бар. Фотошоп емес, честное пионерское.

Алғашқы қарлығаш.

Бір жылдан соң келді үшбу хат. Авторлық құқықтарды алға тартады…
Сайтты жабуға тура келер. Өз бақылауына алғысы келетін (мені емес, тьфу-тьфу! Сайтты айтам!) жан болса, хабарлассын ((((…
Ренжімессіңдер деп ойлаймын.

Хехе

Қор болдың-ау, бүйткенше ешқайда шықпай тыныш отырмадың ба ))))