Русланнннның блогы :)

Үш арсыздың бірі - ұйқы…
Ертең таңға дейінгі жауым осы ұйқы болып отыр. Жаумен күресу үшін, ол туралы толық мәліметке ие болған дұрыс, әрине. Осы оймен орыс википедиясына кіріп, ұйқы туралы оқып қарадым:
“Сон — естественный физиологический процесс пребывания в состоянии с минимальным уровнем активного сознания и пониженной реакцией на окружающий мир, присущий млекопитающим, птицам, рыбам и некоторым другим животным, а также насекомым (например, дрозофилам).”
Хммм, дрозофиллдер, қандай бақыттысыңдар, дыммен шаруаларың жоқ… Ұйқыларың келсе, ұйықтайсыңдар, ұйқыларың келмесе, ұйықтамайсыңдар. Ренжімеңдер, сендерге ұқсағыларым келмегеннен емес, басқа бір шаруаларым болып қалып жатыр…
Жатақханада бұндай емес еді, дым шаруа жоқ болса да, ұйқым ауысып кеткен, түн ортасында ұйықтайтынмын. Қазір, таңертең сегізде жұлқылап тұрғызып алатын болғасын, түні бойы жүруге шама жоқ, он екі - бірлерде төсекке жатсам болды, “азғана уақыттан кейін” жұлқылап оятып жатады, сағатқа қарасам - сегіз…
Таңға дейін көрейін, бірдеме қылып )))) Ертең көзім қызарып, зомби болып жүре ме екенмін, қалай болар екен, ә?

Paint бағдарламасы көмегімен көлемі кішкентай, 2х2, 3х3 пиксел болатын сурет құрып, оның әр нүктесін әр түрлі түске толтыр. Сосын осы суретті жұмыс столының фоны ретінде көрсетіп, орналасуын “Растянуть” деп көр. Менде керемет фон шығады, сенде қалай?

Сәлем! Бірдеңе өзгерту керек сияқты, қалай ойлайсың?
Бір сұрақ - блогқа қалай тап болдың? Бұл блог туралы әзір еш жерде жазбаған едім, сонда да тауып келіп отырсың. Әбден еріккенсің ғой, мен сияқты
Ерігу… Соңғы кезде өтірік бірдемелерді көп шұқитын болыппын. Қайдағы жоқ форумдарға кіріп, оффтоп жазып, тақырыптан айдалада лағып жүремін. Сол тақырыпқа қызығып, дұрыстап қатысушыларға бұл қызық болса екен, жоқ, оларға түк те қызық емес, және мен оларды түсінем. Бұның бәрі, әрине, жақсы емес.
Интернет ауруымен сен де ауырып отырсың, осы отырғанда, солай ғой? Түк қызығы жоқ тақырыптарды бір ашып, бір жауып, жаңа бірдеңе пайда болды ма екен деген оймен, уақытыңды босқа өткізіп отырсың ғой. Былай істейік. Өмірге азғана өзгерістер енгізейік. Алдағы өмір туралы ойланайық. Өзімізді-өзіміз алға сүйреп, дамымасақ болмас.
Неден бастаймыз дейсің бе? Ммм, мүмкін спорт жағына көңіл бөле бастағанымыз дұрыс болар, ә? Таңертең жүгірем ба деп отырмын, сен де сөйт, әйтпесе мына компотырдың алдында күні-түні отырғаннан денсаулығыңа зиян болмаса, пайда келмейтіні айдан анық.
Жалпы, ойлар бар негізі, бір-бірлеп жазып отырармын. Әр түрлі, өмір, бақыт, ғылым, білім, дін, т.с.с тақырыптар жөнінде… Әзір басыңды қатырмай-ақ қояйын, ертең жолығармыз. Сау бол!

Сәлем! Қош келдің! Блог ашып көрейін деген оймен осы вордпресске тіркеле қойып едім, ішінде қазақша интерфейс дайын күйінде тұр екен (15 минутта аударма жасауға болады деп еді, соған да еріндім ғой), соған тіркеліп алып, енді осы жерге, бұйырса, өзімнің ойыма келгенді жазам ба деген ойым бар. Блогтың не екенін көрейін, сен де көр (білетін шығарсың бірақ та)